Ministri Reçica takon përfaqësuesit e FMN-së, diskutojnë për reformat e ndërmarra nga MPMS

04/06/2018 Institucionet

Ministri i Punës dhe Mirëqenies Sociale (MPMS), Skender Reçica ka pritur në takim përfaqësues të Fondit Monetar Ndërkombëtar (FMN), të kryesuar nga Stephanie Eble, me të cilët diskutoi rreth reformave të ndërmarra nga MPMS në fusha si ajo pensionale, sociale dhe fusha e punësimit. Ministri i njoftoi përfaqësuesit e FMN-së për reformën pensionale të ndërmarrë nga MPMS ku tha se fokusi do të jetë te reforma në aspektin ligjor, duke marrë parasysh pabarazinë në ligjet aktuale. “Qëllimi është që të kemi një sistem pensional që do ti bëjë ballë kohës. Deri në fund të vitit do ta kemi koncept dokumentin për reformat pensionale”, tha ministri Reçica. Ministri i njoftoi të pranishmit edhe rreth reformës së skemave sociale, ku tregoi se MPMS po punon në krijimin e një ligji gjithëpërfshirës për persona me aftësi të kufizuara, krahas përpjekjeve tjera konkrete. Temë diskutimi në mes të ministrit dhe përfaqësuesve të FMN-së ishin edhe politikat e MPMS-së për tregun e punës dhe rritjen e punësimit. Ministri falënderoi FMN-në për përkrahjen ndërkaq nga përfaqësuesit e këtij Fondi mori mbështetje për reformat e ndërmarra nga MPMS në fushat e lartcekura.

Kontrolloni gjithashtu

U mbajt takimi Iniciues për Themelimin e Këshillit Publiko-Privat në Viti për nxitjen e investimeve Lokale

Në Viti u mbajt sot takimi iniciues për themelimin e Këshillit Publiko-Privat, një iniciativë që …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara