Ministri Shala: Fëmijët tanë nuk do t’iu ekspozohen më lodrave të rrezikshme

24/10/2018 Institucionet

Ministri i Tregtisë dhe Industrisë, Endrit Shala, ka nisur aksionin për asgjësimin e lodrave që janë konfiskuar për shkak se nuk i kanë plotësuar standardet. MTI ka dërguar mostrat e lodrave për analiza në Holandë dhe rezultatet që kanë ardhur kanë qenë jashtë standardeve normale, për këtë arsye ministri Shala ka marrë vendim që të gjitha lodrat që me veti fizike dhe kimike janë të dëmshme për fëmijët tanë të asgjësohen. Shala ka thënë se fëmijët më nuk do t’iu ekspozohen lodrave të rrezikshme, sepse të gjitha importet që nuk kanë certifikata të cilësisë sipas standardeve të BE-së nuk do të lejohen të futen në tregun e Kosovës. “Sot kam ardhur me përcjell për së afërmi edhe fazën e fundit, asgjësimin e lodrave dhe përmes mediave ta dërgojmë mesazhin te të gjithë qytetarët e Kosovës se ne kemi filluar kontrollin e tregut dhe  fëmijët tanë nuk do t’iu ekspozohen më lodrave të rrezikshme.  Ne jemi të përkushtuar që të kemi një kontroll të detajuar të cilësisë së produkteve në tregun e Kosovës. Dua t’ju njoftoj se deri tash kemi konfiskuar 17 mijë njësi të lodrave të rrezikshme dhe në bashkëpunim me doganën e Kosovës kemi ndaluar 17 importe në kufi. Gjithashtu, sot jam informuar nga Inspektorati se është ndaluar edhe një sasi tjetër e cila ka tentuar që të zhdoganohet dhe të futet në tregun e Kosovë”, ka theksuar ministri Shala. Sipas ministrit të Tregtisë dhe Industrisë, fokusi do të jetë mbrojtja e konsumatorit në raport me cilësinë e mallrave. “Fokus i imi do të jetë mbrojtja e konsumatorit në raport me cilësinë e produkteve, përveç rritjes së inspektimeve në tregun e brendshëm, ne gjithashtu në bashkëpunim me Doganën po parandalojmë futjen në treg të çfarëdo malli që mund të jetë i rrezikshëm për përdorim nga ana e konsumatorit”, tha ministri Shala. Ministri ka kërkuar nga të gjithë tregtarët që të mos importojnë në Kosovë mallra që nuk i plotësojnë standardet dhe mund ta rrezikojnë shëndetin e fëmijëve. “I thërras të gjithë tregtarët që të kenë kujdes në produktet që i importojnë, dhe i shesin në tregun e Kosovës, të jenë të certifikuara dhe sipas standardeve të BE-së që të mos e rrezikojmë shëndetin e fëmijëve”, ka thënë ministri Shala.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara