leoni

Ministri Shala në Bullgari: Njohjet kulturore ndërmjet shteteve janë shumë të dobishme

20/11/2016 Institucionet

Në vazhdën e vizitës zyrtare në Bullgari, ministri i Kulturës, Rinisë dhe Sportit, Kujtim Shala, i shoqëruar nga ministri bullgar i kulturës, Vezhdi Rashidov, dhe drejtues të institucioneve të këtij vendi, ka vizituar Galerinë e Ministrisë së Kulturës së Bullgarisë.

Më pas, delegacioni nga Kosova, ka parë gjetjet e fundit arkeologjike në lokalitetin e hapur antik të qytetit të lashtë Serdika, i cili tanimë ishte muze i hapur, si dhe kanë vizituar Galerinë Kombëtare të Bullgarisë.

Ministri Shala ka diskutuar me drejtuesit e këtyre institucioneve për bashkëpunimin konkret kulturor ndërmjet institucioneve përkatëse të Republikës së Kosovës dhe atyre të Bullgarisë, për të shkëmbyer përvojat në fushën e kulturës dhe trashëgimisë kulturore, si dhe për të njohur njëri-tjetrin më shumë nëpërmjet mundësive që jep kultura.

Me këtë rast, Shala u shpreh se “njohjet kulturore, janë shumë të dobishme, ndaj edhe duhet të punojmë më shumë në këtë drejtim, në mënyrë që t’i bëjmë sa më konkrete dhe sa më të shpeshta”.

Po ashtu, gjatë këtyre vizitave u tha se nënshkrimi i Marrëveshjes për Bashkëpunim Kulturor ndërmjet këtyre dy vendeve, ka krijuar kushte të mira politike, që kulturat e dy vendeve të njihen dhe të komunikojnë më shumë me njëra-tjetrën.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara