Ministri Shala priti kryetarin e rizgjedhur të KOK-ut, Besim Hasani

23/12/2016 Institucionet

Ministri i Kulturës, Rinisë dhe Sportit, Kujtim Shala, ka pritur në takim kryetarin e rizgjedhur të Komitetit Olimpik të Kosovës, Besim Hasani, me të cilin diskutuan për planet dhe bashkëpunimin mes MKRS-së dhe KOK-ut me qëllim të ngritjes së sportit në përgjithësi.

Ministri Shala e ka uruar Hasanin për rizgjedhje në drejtimin e KOK-ut edhe për një mandat katër vjeçar. Ai u shpreh se MKRS-ja do ta përkrah edhe në të ardhmen Komitetin Olimpik të Kosovës, me synimin që mbështetja të rritet vit pas viti, por edhe duke e siguruar kryetarin Hasani që KOK-u do të ketë pavarësi të plotë të funksionimit.

Ndërkaq, kryetari i KOK-ut, Besim Hasani e falënderoi ministrin Shala për urimin dhe gatishmërinë për ta ndihmuar edhe më tej Komitetin Olimpik. Ai e informoi ministrin për mbarëvajtjen e zgjedhjeve në KOK, ku përpos kryetarit u zgjodhën edhe nëntë anëtarët e Bordit Ekzekutiv të KOK-ut dhe katër nënkryetarët e tij. Gjithashtu, Hasani e njoftoi ministrin edhe për planet dhe përgatitjet për ciklin e ardhshëm olimpik 2017 – 2020, ky synimet janë që të prezantohemi edhe më me tepër sukses e cilësi.

Të dy u pajtuan që sporti të jetë edhe më tutje ndër prioritetet e Qeverisë së Kosovës, me fokus në investimet kapitale në infrastrukturë, masivizimin e sportit, ngritjen e cilësisë dhe nxjerrjen e talenteve të reja

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara