Ministri  Zharku priti në takim kryetarin e këshillit të rinisë evropiane të Kosovës

15/06/2016 Institucionet

Ministri i Infrastrukturës, Lutfi Zharku, priti sot në takim kryetarin e Rinisë Evropiane të Kosovës, Avdullah Hasani me bashkëpunëtorë.

Në këtë takim ministri Zharku dhe Hasani biseduan për bashkëpunimin e mëtutjeshëm në mes të Ministrisë së Infrastrukturës dhe Këshillit të Rinisë Evropiane të Kosovës.

Gjatë bashkëbisedimit, Hasani e njoftoi ministrin Zharku lidhur me aktivitetet të cilat është duke i zhvilluar Këshilli I Rinisë Evropiane të Kosovës por edhe me sfidat me të cilat po ballafaqohet rinia në këtë kohë. Hasani u shpreh i gatshëm që të bashkëpunojë me ministrinë e Infrastrukturës, në projektet e kësaj ministrie aty ku rinia mund t’a jap kontributin e saj, duke e konkretizuar realizimin e projekteve për siguri në komunikacionin rrugor.

Ndërsa, ministri Zharku theksoi se Ministria e Infrastrukturës është e gatshme për të gjitha bashkëpunimet të cilat rezultojnë në të mirë të qytetarëve të vendit tonë, në këtë rast një bashkëpunim i mirëseardhur do të jetë me të rinjtë e Këshillit të Rinisë Evropiane të Kosovës. Zharku premtoi  se do të thellohet bashkëpunimi duke i gjetur format më të përshtatshme në realizimin e projekteve të Ministrisë së Infrastrukturës. Ministri Zharku i inkurajoi të rinjtë e Këshillit të Rinisë Evropiane të Kosovës,që të jenë të gatshëm që të kyçen në të gjitha proceset ku mund të japin kontributin e tyre, në mënyrë që të kontribuojnë në përmirësimin e kushteve të rinisë por edhe qytetarëve të Kosovës.

Në fund të këtij takimi kryetari i Këshillit të Rinisë Evropiane të Kosovës, i dhuroi ministrit Zharku, Rezolutën e Këshillit të Rinisë Evropiane të Kosovës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara