Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Për vitin shkollor 2024-2025, MASHTI, ka ndarë rreth 12 milionë euro për subvencionimin e teksteve dhe materialeve shkollore për nxënësit nga klasat 1 deri në 9. Nga kjo shumë, 6.3 milionë euro janë caktuar për blerjen e teksteve për klasat 1-5, ndërsa 6.6 milionë euro për materialet mësimore të klasave 6-9. Ndryshe nga vitet e mëparshme, kur librat shkollorë siguroheshin dhe shpërndaheshin drejtpërdrejt nga shteti, këtë vit prindërit do të duhet të blejnë vetë tekstet shkollore dhe më pas të kompensohen nga shteti. Subvencionimi do të jetë 80 euro për nxënësit e klasave 1-5 dhe 110 euro për nxënësit e klasave 6-9. Kjo qasje është kritikuar nga shoqëria civile si një dështim i qeverisë për të përmbushur detyrimet e saj bazike ndaj sistemit arsimor, duke rritur kostot për familjet dhe duke e bërë procesin e sigurimit të librave më të komplikuar për prindërit.
