Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas publikimit të raportit shtesë për rastin e Astrit Deharit, Ministria e Drejtësisë ka drejtuar akuza kundër Prokurorisë Speciale, duke pretenduar se ka propaganduar rezultatin e raportit. Në një komunikatë për media, Ministria e Drejtësisë ka theksuar se “pas më shumë se pesë vitesh, kur ky rast po vazhdon të hetohet, veçmas pas ekspertizës plotësuese të Institutit zviceran, Prokuroria Speciale e Kosovës, sërish me vrap del për të propaganduar njëanshëm rezultatin e këtij raporti. Ministria ka zbuluar se Prokuroria Speciale dëshmon për mangësi të theksuar intelektuale, mungesë totale të njohurive shkencore, gjuhë krejtësisht jo profesionale edhe qëllim dashakeq. Sipas ministres të cilën e drejton Albulenë Haxhiu del se Astrit Dehari ka vdekur në duart e shtetit. “Papërgjegjësia e organeve të shtetit ka prodhuar edhe këtë situatë të kobshme. Papërgjegjësia e sërishme e organeve, këtë rast e Prokurorisë Speciale, tenton të vrasë zbardhjen e drejtësisë”, është thënë në komunikatën e MD-së.
