Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Infrastrukturës, Pal Lekaj kanë njoftuar se janë ndarë mbi 4 milion euro për rehabilitimin e rrugëve që të dërgojnë për në Prevallë dhe në Brezovicë. “Ky investim do të mundësojë qasje me të lehtë në bukuritë e Prevallës dhe Brezovicës, komunikim më të shpejtë për komunitetin që jeton në këtë zonë dhe rritje të kapaciteteve për zhvillim të turizmit”, ka shkruar Lekaj. Ai ka thënë se investimi do të ndodhë edhe në zonën e Komunës së Shtërpcës. “E për të diskutuar lidhur me këtë investim që do të bëjë Ministria e Infrastrukturës, sot e prita në takim kryetarin, Bratislav Nikoliq, të cilin e njoftova se si ministri në këtë pjesë të R115, do të investojmë 1.2 milion euro dhe do të ndërtojmë një infrastrukturë me të gjitha elementet përcjellëse”, ka thënë ministri. Ai ka shtuar se përmes investimeve në zonat e mrekullueshme malore të Kosovës, e afrojmë vendin tonë edhe më tepër me turistët dhe investitorët.
