Ministria e Infrastrukturës premton mbështetje për Komunën e Kaçanikut lidhur me dëmet e shkaktuara nga vërshimet

06/02/2018 Institucionet

Kryetari i Komunës së Kaçanikut Besim Ilazi, priti në takim pune zëvendës Ministrin e Infrastrukturës Fehmi Mujota dhe drejtorin e Kompanisë Bechtel Enka Riad Alkhazar, si dhe përfaqësuesin e MI-së Ramë Qupeva. Kryetari Ilazi i njoftoi ata lidhur me dëmet e shkaktuara nga reshjet e fundit në Komunën e Kaçanikut. Kryetari tha se dëmet janë të mëdha, ndërsa Komuna është duke u munduar që në bazë të mundësive dhe kapaciteteve që ka të evitoj dëmet, por ndihmesa nga palët e tjera është e domosdoshme. Nga ana tjetër zëvendësministri Fehmi Mujota, tha se pas raportit të komisionit për vlerësimet e dëmeve të shkaktuara, ministria do të ndihmoj në bazë të kapaciteteve ekzistuese. Edhe Drejtori i Kompanisë Bechtel Enka Riad Alkhazraj, tha se kompania do të vërë në funksion tërë makinerinë dhe potencialin e saj në sanimin e dëmeve të shkaktuara. Në takim u konfirmua bashkëpunimi mes këtyre institucioneve për kthimin e normalitetit në zonat e dëmtuara nga vërshimet.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara