Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministria e Jashtme e Serbisë ka reaguar ndaj marrëveshjes së nënshkruar në Tiranë për aleancën ushtarake trepalëshe mes Kosovës, Shqipërisë dhe Kroacisë, duke kërkuar sqarime urgjente nga këto dy shtete. Marrëveshja, që ka në fokus forcimin e kapaciteteve mbrojtëse dhe avancimin e teknologjisë ushtarake përmes trajnimeve dhe stërvitjeve të përbashkëta, është cilësuar nga Beogradi si një kërcënim për stabilitetin rajonal. Serbia argumenton se Shqipëria dhe Kroacia, së bashku me Kosovën – të cilën Beogradi e konsideron si një entitet të paligjshëm – kanë ndërmarrë hapa që cenojnë paqen dhe sigurinë në Ballkan. Në anën tjetër, përfaqësuesit e Kosovës, Shqipërisë dhe Kroacisë, përfshirë ministrat e mbrojtjes të këtyre shteteve, e kanë cilësuar këtë marrëveshje si një hap të rëndësishëm për forcimin e sigurisë dhe stabilitetit rajonal, duke e mbështetur gjithashtu integrimin e Kosovës në strukturat euroatlantike.
