Jetlir Zyberaj, këshilltar i ministrit të Jashtëm në largim të Kosovës, Behxhet Pacolli, e ka cilësuar si gënjeshtër lajmin për tërheqjen e njohjes së Kosovës nga Gana. Ai ka thënë se pretendimet e ministrit të Jashtëm të i Serbisë, Ivica Daçiq, për këtë çështje janë vetëm propagandë. “Është një propagandë e vazhdueshme dhe një fushatë e ndyrë nga Ivica Daçiq dhe është e kotë të humbësh kohë me të”, ka thënë Zyberaj. Ai ka deklaruar se edhe Gana mbështetet dialogun Kosovë-Serbi. “Çdo anëtar i Kombeve të Bashkuara mbështet dialogun midis Kosovës dhe Serbisë. Shumica e vendeve anëtare të OKB-së kanë votuar në vitin 2010, rezolutën e Asamblesë së Përgjithshme të që fillojë dialogu ndërmjet Kosovës dhe Serbisë”, ka thënë Zyberaj. Lajmin për siç është thënë, tërheqjen e vendimit për njohjen e Kosovës nga shteti i Ganës e ka prezantuar ministri i Jashtëm i Serbisë, Ivica Daçiq. Daçiq, në anën tjetër, u ka thënë mediave në Beograd se Gana është shteti i 16-të që ka tërhequr njohjen ndaj pavarësisë së Kosovës. Më 23 janar, 2012, Gana e njohu Kosovën si shtet të pavarur. Të njëjtin vit, të dy vendet vendosën edhe marrëdhënie diplomatike.
![Në 12 vende të botës Kosova ende nuk ka ambasadorë të akredituar](https://www.radiokosovaelire.com/wp-content/uploads/mpj-5-633x330.jpg)