leoni

Ministrit Reçica i premtohet bashkëpunim i plotë nga Kroacia

20/04/2018 Institucionet

Ministri i Punës dhe Mirëqenies Sociale, Skender Reçica, priti në takim ambasadoren e Kroacisë në Kosovë, Maria Kapitanović, me të cilën u dakorduan për intensifikim të proceseve në lidhje me disa çështje të rëndësishme. Ministri Reçica dhe ambasadorja Kapitanović diskutuan rreth marrëveshjes për punësim sezonal të qytetarëve të Republikës së Kosovës, ku u dakorduan që ky proces të intensifikohet fuqishëm. Gjithashtu, në takim u diskutua edhe për përshpejtim të procesit sa i përket Marrëveshjes për sigurime sociale në mes të Kosovës dhe Kroacisë. Ministri Reçica e njoftoi ambasadoren Kapitanović për zhvillimet dhe projektet aktuale të MPMS-së ku përmendi nisjen e projektit për punësimin e një anëtari të secilës familje që nuk e ka asnjë të punësuar, ku për realizimin këtij projekti nga dje kanë nisur takimet me këto familje. Gjithashtu ministri Reçica e njoftoi ambasadoren kroate se, MPMS, nis fushatën vetëdijësuese për sigurinë dhe shëndetin në punë, në kuadër të përpjekjeve që MPMS po bënë në zbatimin e legjislacionit në fushën e sigurisë dhe shëndetit në punë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara