Ministrja e Drejtësisë, Dhurata Hoxha priti në takim njoftues Ambasadorin e sapoemëruar të Italisë në Kosovë, z. Piero Cristoforo Sardi. Ministrja Hoxha, uroi Ambasadorin Sardi për detyrën e re dhe shfaqi përkushtimin për vazhdimin dhe thellimin e bashkëpunimit bilateral mes Republikës së Kosovës dhe Republikës së Italisë, jo vetëm në fushën e sundimit të rendit dhe ligjit, por edhe në kuadër të bashkëpunimit rajonal. Ambasadori italian shprehu mirënjohjen e tij për gatishmërinë e Ministres Hoxha për të thelluar bashkëpunimin e deritanishëm, si dhe shfaqi qëndrimet e shtetit Italian për vazhdimin e bashkëpunimit dhe ofroi ndihmë në rrugën e integrimit evropian, duke vlerësuar se perspektiva evropiane është e garantuar për Republikën e Kosovës dhe se Republika e Italisë është e vendosur për të përkrahur dhe ndihmuar këtë proces, duke ofruar ndihmë në sektorin e drejtësisë.
![Ministrja, Dhurata Hoxha priti në takim ambasadorin e Italisë në Kosovë, z. Piero Cristoforo Sardi](https://www.radiokosovaelire.com/wp-content/uploads/dhurata-hoxha-amb-italian-660x330.jpg)