Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministrja e Integrimeve Evropiane, Dhurata Hoxha thotë se sa më parë duhet që të ratifikohet demarkacioni me Malin e Zi, në mënyrë që qytetarët të fillojnë të lëvizin të lirë, pasi që izolimi i tyre është një padrejtësi e madhe që po iu bëhet. Hoxha në një intervistë për KosovaPress, pohon se fatkeqësisht Kosova ka ngecur në zbatimin e kushtit të dhënë, përkufizimit të vijës kufitare me Malin e ZI, me të cilin Kosova ka marrëdhënie të shkëlqyera, por se kjo është një çështje, e cila po bëhet për konsum të brendshëm politik.
“Unë mendoj se ne sa më parë duhet ta kalojmë, ta ratifikojmë këtë marrëveshje në Kuvendin e Kosovës, në mënyrë që me të vërtetë qytetarët tanë të fillojnë të lëvizin të lirë. Është një padrejtësi e madhe që qytetarët e Republikës së Kosovës, janë të vetmit në rajon të cilët nuk mund të lëvizin të lirë dhe këtu po vuajnë vetëm qytetarët, po vuajnë të rinjtë tanë, po vuajnë prodhuesit, bizneset tona. Me të vërtetë po ka shumë efekte negative, prandaj sa më parë që të kaloj të ratifikohet demarkacioni. Ndërsa sa i përket kushtit tjetër ne në vazhdimësi jemi duke punuar se me rastin e ratifikimit të kësaj marrëveshje në Kuvendin e Kosovës, të mos mbesim mbrapa dhe me kushtin e dytë. Pra jemi mekanizimi, i cili e përcjell kushtin e dytë. Është në vazhdimësi duke raportuar dhe duke u munduar që të mbaj hapin. Kushti i dytë kërkon që të ketë në vazhdimësi, rezultate në luftimin e krimit dhe korrupsionit”, tha ajo ndër të tjera.
