Ministrja e Qeverisë Kurti, Albulena Haxhiu ka vlerësuar se ikja e të burgosurve nga burgjet e Kosovës po nxitet dhe organizohet nga Serbia. Ajo ka theksuar se shteti i Serbisë po cyt dhe organizon arratisjen e të burgosurve, paraburgosurve dhe të kërkuarve nga drejtësia e Kosovës, në këmbim të një ambienti mburojë ndaj pandëshkueshmërisë e ndjekjes penale të kriminelëve nga organet e Republikës së Kosovës. “Një mbështetje e tillë është padyshim e qëllimshme, e organizuar dhe e lidhur me qëllimin për të dëmtuar rendin publik, kushtetues e ligjor të Republikës së Kosovës”, ka shkruar mes tjerash, ministrja e Drejtësisë në Qeverinë Kurti, Albulena Haxhiu.
![Albulena Haxhiu](https://www.radiokosovaelire.com/wp-content/uploads/albulena-haxhiu-660x330.jpeg)