Miratohet Ligji për Sponsorizime në kulturë rini e sport

23/12/2016 Institucionet

Pas propozimit të Ligjit të Sponsorizimeve nga ana e Ministrisë së Kulturës, Rinisë dhe Sportit, pas miratimit në Qeveri dhe leximit të parë në Kuvendin e Kosovës, akti normativ në fjalë, miratohet në lexim të dytë të premten, nga deputetët e Kosovës.

Ky ligj ka për qëllim që të rregullojë kushtet, përkrahjen dhe mbështetjen financiare dhe përcakton përfitimet për sponsorët dhe donatorët që financojnë aktivitetet në fushat e kulturës, rinisë dhe sportit.

Me këtë akt ligjor, për herë të parë vihen bazat juridike për trajtimin, rregullimin dhe njohjen e sponsorizimeve dhe të donacioneve për të krijuar kushte më të mira për fushat e lartpërmendura.

Ligji për sponosorizime do të rregullojë marrëdhëniet, kushtet dhe nivelin e lehtësirave financiare për personat fizikë dhe juridikë, të cilët me vullnet të lirë sponsorizojnë apo bëhen donatorë të këtyre fushave me interes të veçantë publik.

Kontrollimin e shfrytëzimit të Sponsorizimit dhe Donacioneve, në bazë të ligjit do ta realizojnë Administrata Tatimore e Kosovës dhe organet tjera kompetente, duke e pasur të drejtën se në rast të evidentimit të parregullsive të kenë mundësinë e parashtrimit të kallëzimeve penale ose kundërvajtëse sipas legjislacionit në fuqi.

MKRS-ja vlerëson se me kalimin e këtij ligji, krijohen kushte shumë më të volitshme dhe lehtësira financiare për zhvillimin e kulturës, sportit dhe rinisë dhe do të ndikojnë në ngritjen e standardeve dhe cilësisë në këto sfera. Gjithashtu, ky ligj hap rrugën që sektori i biznesit të nxitet që të investojë në fushat e sipërpërmendura dhe kësisoj të kenë lehtësira në tatime.

Ligji do të futet në fuqi pesëmbëdhjetë ditë pas publikimit në Gazetën Zyrtare.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara