Miratohet Statuti i Teatrit “Adriana Abdullahu” dhe themelohet Muzeu i Kujtesës në Ferizaj

30/11/2018 Institucionet

Me ftesën e Kryesueses së Kuvendit të Komunës së Ferizajt, Kristina Gashi Bytyçi, gjatë ditës së premte është mbajtur mbledhja e rregullt e Kuvendit të Komunës. Në këtë mbledhje u diskutuan një varg çështjesh, kryesisht në fushën e pronës, përkatësisht shpalljen në interes të përgjithshëm të disa parcelave si dhe shndërrimin e tokës nga tokë bujqësore në tokë ndërtimore. Pjesë e këtyre diskutimeve ishte edhe këmbimin i pronës komunale me atë private në fshatrat Talinoc, ndërsa sa i përket pronës në fshatin Sojevë, kjo pikë e rendit të ditës u shtyje për mbledhjen e ardhshme. Po ashtu në këtë mbledhje të Kuvendit është diskutuar gjerë e gjatë edhe për Statutin e Teatrit “Adriana Abdullahu”, me ç’rast me shumicë të votave edhe u miratua ky statut. U diskutua edhe propozim- vendimi për themelimin e Muzeut të Kujtesës, zotim ky i Kryetarit të Komunës së Ferizajt, Agim Aliu e cila do të shërbej për promovimin më të mirë të vlerave historike, përkatësisht materialeve dhe dokumentacionit tjetër nga lufta e lavdishme e Ushtrisë Çlirimtare të Kosovës. Në mbledhjen e Kuvendit të Komunës, po ashtu u more vendim që të dal në diskutim publik edhe Strategjia Komunale për Personat me Aftësi të Kufizuara. Në këtë mbledhje është bërë edhe zëvendësimi i një anëtari të Këshillit Komunal për Siguri në Bashkësi (KKSB) si dhe komisioni për emërtimin e rrugëve dhe shesheve të qyteti i plotësua dhe me dy anëtare nga Fadil Halili i LDK-së, ndërsa nga Vetëvendosja në këtë komision do të jetë Xhevat Sallahu.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara