Emisari i Bashkimit Evropian për dialogun Kosovë-Serbi, Miroslav Lajçak, ka njoftuar se sot do të vazhdojnë diskutimet në Bruksel me kryenegociatorët e të dy vendeve për të zhbllokuar zbatimin e Marrëveshjes së normalizimit. Lajçak shprehu shqetësimin për mungesën e përparimit deri më tani. “Fatkeqësisht, nuk kemi parë ndonjë përparim në zbatimin e Marrëveshjes në rrugën për normalizim. Diskutimet ishin sfiduese si kurrë më parë. Megjithatë, puna jonë vazhdon, kur kryenegociatorët do të përpunojnë hapat konkretë për zhbllokimin e zbatimit të Marrëveshjes. Këto diskutime vijnë pas disa raundeve të mëparshme që nuk arritën të prodhojnë rezultate konkrete për zbatimin e Marrëveshjes.
![Mirosllav Lajçak](https://www.radiokosovaelire.com/wp-content/uploads/Miroslav-Lajçak-780x439-1-660x330.jpeg)