Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Emisari i posaçëm i Bashkimit Evropian për dialogun Kosovë-Serbi, Miroslav Lajçak, ka bërë një përmbledhje të aktiviteteve të tij gjatë javës së kaluar, duke nënvizuar disa nga momentet kyçe të angazhimeve diplomatike. Rrallë ka ndonjë moment të mërzitshëm në diplomaci, shkroi Lajçak në një postim, ku përmendi ngjarje dhe zhvillime të rëndësishme në rajon. Ai theksoi sulmin terrorist të ndodhur në Kosovë, duke e quajtur një “akt të dënueshëm fuqishëm”. Lajçak përmendi gjithashtu takimin e shefes së re të BE-së, Kaja Kallas, me liderët e Ballkanit Perëndimor, duke e vlerësuar këtë si një sinjal të qartë për përparësinë që BE-ja i jep zgjerimit. Në raportimet e tij të rregullta, Lajçak njoftoi se kishte informuar shtetet anëtare të BE-së për përparimin dhe sfidat në procesin e dialogut ndërmjet Kosovës dhe Serbisë.
