Ministria e Infrastrukturës financon  rrugën A në Kryeqytet

26/03/2019 Institucionet

Ministri i Infrastrukturës dhe Transportit Pal Lekaj, priti në takim të parin e Prishtinës Shpend Ahmetin me të cilin nënshkroi marrëveshje bashkëpunimi në përkrahje të projekteve lokale të kësaj komune. Për vitin 2019, komuna e Prishtinës nga MIT-ja me anë të nënshkrimit të kësaj marrëveshje, mori mbështetje financiare prej 1,083,591 euro për realizimin e dy projekteve të saja. Projekti i parë ka të bëjë me ndërtimin e rrugës A, i cili projekt për këtë vit do të ndahen 800,000 euro, ndërsa për dy vitet në vijim, janë planifikuar edhe gjashtë milionë euro, deri në përfundimin e kësaj rruge. Projekti i dytë që do të financohet nga kjo ministri është ndërtimi i rrugës Ramabaja – Hajvali, në vlerë prej 283,591 euro. Ministri Lekaj, e siguroi kryetarin Ahmeti, se mbështetja e dikasterit që ai drejton nuk do të mungojë për kryeqytetin dhe se projektet pjesë e këtij memorandumi, janë të planifikuara në aspektin financiar deri në përfundimin e plotë të tyre. Kryetari Ahmeti, duke e falënderuar ministrin Lekaj për mbështetje të këtyre projekteve me rëndësi për qytetin dhe qytetarët e Prishtinës, tha se komuna do të jetë e kujdesshme në realizimin e projekteve të financuara nga MIT-ja dhe se do të respektohen të gjitha parametrat teknike dhe afatet kohore të parapara për këto projekte.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara