MIT ME MUNDËSI PËR PRAKTIKË TË STUDENTËVE TË UBT-SË

14/06/2019 Institucionet

 

Ministri i Infrastrukturës dhe Transportit, Pal Lekaj, të premten nënshkroi marrëveshje bashkëpunimi me rektorin e Universitetit të Biznesit dhe Teknologjisë (UBT), Edmond Hajrizi. Përmes saj, studentëve të UBT-së, u jepet mundësia që të kryejnë praktikë profesionale në MIT. Angazhimi i tyre do të jetë në drejtime që lidhen kryesisht me infrastrukturë e transport, si hartim të strategjive, planeve e politikave si dhe zbatimin të legjislacionit në fushat përkatëse, konform standardeve evropiane. Ministri Lekaj tha se ekspertiza e studentëve të UBT-së, do të jetë vlerë e shtuar për dikasterin që ai drejton, me dhënie të kontributit drejt realizimit sa më të mirë të projekteve. Ai theksoi gatishmërinë e tij dhe të institucionit që drejton, në ofrim të mundësive për aftësim të gjeneratave të reja. Rektori i UBT-së Edmond Hajrizi e falënderoi ministrin Lekaj për ndihmën e çmueshme drejt forcimit dhe përgatitjes së kuadrove të reja, krahas teorisë edhe me anën praktike.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara