Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mitingu i Sali Berishës, gjatë protestës, në Tiranë ishte krejt ndryshe nga sa ishte paralajmëruar me pompozitet nga ai vetë, si një revoltë e fuqishme, si një uragan që do ta dridhte Edi Ramën dhe Ballkanin e Hapur. I ndodhur para një tume shumëfish më të vogël nga sa kishte pretenduar, Sali Berisha nuk arriti asgjë nga kjo protestë, edhe për faktin se ishte bojkotuar në radhë të parë nga Kosova, nga Qendra e Vetëvendosjes në Tiranë, nga partitë politike në Shqipëri, nga vetë anëtarësia e Partisë Demokratike tashmë të përçarë e të ndarë dhe nga të gjithë të tjerët, përveç militantëve të tij të njohur. Berisha në mbyllje të protestës pra gazetarëve pranoi se nuk kishte pasur kohë për përgatitjen e protestës, por paralajmëroi se nuk do të heq dorë nga protesta të tjera të ngjashme në kohën kur është shpallur non grata nga Shtetet e Bashkuara të Amerikës dhe kur ka përçarë PD-në me veprime kurdoherë autoritare e mujshare.
