leoni

MKRS dhe Komuna e Prizrenit nënshkruajnë dy memorandume për investime në kulturë

16/11/2016 Institucionet

Ministria e Kulturës, Rinisë dhe Sportit dhe Komuna e Prizrenit kanë nënshkruar dy memorandume të ndara bashkëpunimi për investime të përbashkëta në fushën e kulturës.

Memorandumi i parë ka të bëjë me projektin e adaptimit të ish shkollës, në shtëpi të kulturës në Randobravë, Prizren, projekt për të cilin MKRS do të investojë gjithsejtë 34,665 €.

Kurse, memorandumi i dytë i bashkëpunimit parasheh projektin e ndërtimit të një  qendre kulturore boshnjake në Prizren, për të cilin MKRS ndanë mjete financiare në vlerë prej 337,054.32€.

Gjatë nënshkrimit të memorandumit, të pranishëm ishin zëvendësministri i MKRS-së, Rexhep Hoti, Kryetari i Komunës së Prizrenit, Ramadan Muja dhe sekretari i përgjithshëm i MKRS-së, Veton Firzi.

Nga të dyja palët u tha se investimet në kulturë nëpërmjet këtyre dy projekteve të mëdha kane rëndësi të veçantë dhe i kontribuojnë zhvillimit të kulturës në këtë qytet, si dhe synojnë zhvillimin infrastrukturorë në fushën e kulturës.

U tha gjithashtu se projektet e tilla të përbashkëta në fushën e kulturës por edhe në fusha tjera duhet të vazhdojnë edhe në të ardhmen nëpërmjet bashkëpunimeve të radhës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara