MKRS-ja nënshkruan Memorandum Bashkëpunimi me Komunën e Vitisë

13/01/2017 Institucionet

Në kuadër të investimeve kapitale të MKRS-së për këtë vit, në përmirësimin e infrastrukturës kulturore në Kosovë, në ministrinë e Kulturës, Rinisë dhe Sportit, u nënshkrua një Memorandum Bashkëpunimi me Komunën e Vitisë.

Qëllimi i këtij Memorandumi është mbështetja financiare për realizimin e projektit kapital “Renovimi i Shtëpisë së Kulturës në Viti”. Ky projekt do të ketë mbështetjen financiare nga MKRS-ja në vlerë prej rreth 310 mijë eurove. Ndërsa, Komuna e Vitisë merr përsipër të investojë 15 mijë euro në renovimin e shtëpisë së kulturës, investim i cili do të realizohet në vitin 2017.

Ministri Kujtim Shala, me këtë rast, tha se ky investim do të shërbejë që komuniteti artistik dhe dashamirët e kulturës në Viti të kenë një hapësirë moderne në shfrytëzim për interesat dhe në të mirë të qytetarëve.

Gjithashtu, Shala u shpreh se, ministria përmes përkrahjes financiare të projekteve të ndryshme kapitale në fushën e kulturës nëpër komunat e Kosovës, po mundohet që të krijojë kushte sa më të volitshme për artistët, që ata të prezantojnë krijimet e tyre.

Ndërkaq, kryetari i Vitisë, Sokol Haliti, e falënderoi ministrin Shala, për përkrahjen që ministria po jep për Vitinë, dhe u shpreh se me këtë investim, shtëpia e kulturës në Viti do të ketë një pamje të re dhe do të shërbejë për aktivitetet e shumta kulturore që organizohen në komunën e Vitisë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara