MKRS-ja themelon Parkun Arkeologjik “Ulpiana”

24/10/2016 Institucionet

Ministri i Kulturës, Rinisë dhe Sportit, Kujtim Shala, ka nënshkruar Rregulloren për Themelimin dhe Administrimin e Parkut Arkeologjik “Ulpiana”, nëpërmjet së cilës themelohet Parku Arkeologjik “Ulpiana” dhe përcaktohen mekanizmat për administrimin e tij.

Ky është parku i parë arkeologjik i themeluar ndonjëherë në Kosovë dhe, si i tillë, paraqet vlerë të jashtëzakonshme për trashëgiminë kulturore të vendit tonë.

Parku Arkeologjik “Ulpiana” ka status të mbrojtjes së përhershme dhe është një nga lokalitet e rëndësishme të trashëgimisë kulturore të Kosovës.

Rregullorja i rregullon çështjet e menaxhimit të këtij parku dhe shumë aspekte që lidhen me të.

Ministri Kujtim Shala u shpreh se Parku Arkeologjik “Ulpiana” themelohet për mbrojtjen dhe ruajtjen e pasurisë arkeologjike, se ai është në funksion të njohjes, promovimit dhe afirmimit të trashëgimisë kulturore të Kosovës, me shenja nga më të hershme të identitetit tonë.

Parku Arkeologjik “Ulpiana” shtrihet në komunën e Graçanicës, zona kadastrale Graçanicë, ka perimetër 161.10 Ha dhe zonë rrethuese 96.23 Ha.

Ky park është pjesë përbërëse e trashëgimisë kulturore të Republikës së Kosovës dhe është nën administrimin e drejtpërdrejtë të Ministrisë së Kulturës, Rinisë dhe Sportit – Departamentit të Trashëgimisë Kulturore.

Themelimi i Parkut Arkeologjik “Ulpiana” ka për qëllim mbrojtjen dhe ruajtjen e pasurisë arkeologjike të tij, si dhe krijimin e kushteve më të mira të shfrytëzimit për qëllime shkencore, sociale, ekonomike dhe turistike.

Parku Arkeologjik “Ulpiana” do të promovohet me një ceremoni solemne më 27 tetor 2016, me fillim në ora 11:00 dhe i pranishëm do të jetë edhe kryeministri i Kosovës, Isa Mustafa.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara