MKRS mbështet komunat e Prizrenit, Istogut dhe të Lipjanit në infrastrukturë fizike sportive

24/04/2020 Institucionet

Komuna e Prizrenit, Istogut dhe e Lipjanit mbështeten me projekte konkrete nga Ministria e Kulturës, Rinisë dhe Sportit. Kjo u bë e mundur pas nënshkrimit të memorandumeve të bashkëpunimit për investime në këto komuna. Ministrja Vlora Dumoshi bashkë me kryetarin e Komunës së Prizrenit, Mytaher Haskuka, kanë nënshkruar tri memorandume, konkretisht bëhet fjalë për projektin “Stadiumi i fshatit Gjonaj” i cili do të implementohet gjatë periudhës 2020-2022, projekti “Poligoni sportiv në Mushnikovë” që do të implementohet në këtë vit dhe projekti “Fusha Sportive në Lubinjë të Epërme” që po ashtu do të imlementohet këtë vit. Kurse në komunën e Istogut, do të vazhdojë realizimi i projektit “Ndërtimi i Palestrës Sportive” dhe do të implementohet projekti tjetër në Vrellë të Istogut “Ndërtimi i Sallës së Edukatës Fizike ‘Hysni Zajmi’”. Këto dy projekte u mundësuan me memorandumet që nënshkruan ministrja Dumoshi dhe kryetari i kësaj komune, Haki Rugova. Ndërsa, me kryetarin e Lipjanit, Imri Ahmeti, ministrja ka nënshkruar memorandumin e bashkëpunimit për projektin “Stadiumi i qytetit të Lipjanit” i cili do të implementohet në periudhën kohore 2020-2022. Në takimet e ndara që ka zhvilluar ministrja Dumoshi me kryetarët e komunave në fjalë, ka diskutuar edhe për projektet tjera që ka në plan ministria të investojë në këto komuna dhe në komunat tjera të Kosovës në fushat që i mbulon MKRS-ja. “Jam e interesuar dhe do të angazhohem që në bazë të kapaciteteve buxhetore që ka MKRS-ja të ndihmojë komunat e Kosovës me projekte konkrete që janë në dobi të qytetarëve që ata të kenë hapësirat e nevojshme për t’i kryer aktivitetet e tyre sportive e rekreative, në mënyrë që të kemi një shoqëri të shëndetshme e që merret me aktivitete fizike”, tha ndër të tjera ministrja. E kryetarët e komunave, secili veç e veç e kanë falënderuar ministren për punën që po bën në këtë kohë të vështirë pandemie dhe i shprehën mirënjohjen për mbështetjen e MKRS-së ndaj komunave përkatëse përmes projekteve konkrete.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara