Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Socialdemokrate, Dardan Molliqaj ka tërhequr vërejtjen se drejtimi që ka marrë procesi i dialogut është shumë e rrezikshme, jo vetëm për tashmen, por edhe për të ardhmen e Kosovës. “Kurti me këtë negociim që e ka bërë për këto dy vite të qeverisjes së tij, me bashkësinë ndërkombëtare dhe Serbinë, e ka degraduar pozicionin e Kosovës edhe në raport me ndërkombëtarët, edhe në raport me Serbinë; e ka faktorizuar në mënyrë të jashtëzakonshme relacionin Serbi-Shtete të Bashkuara të Amerikës dhe në mënyrë të paparë ndonjëherë e ka përshpejtuar themelimin e entitetit politik serb në Kosovë. Kur të publikohet Plani Franko-Gjerman, bashkë me aneksin e zbatimit, aty do ta shihni që i ka veç dy vlera, të dyja në shërbim të Serbisë. E para, pranimi i kornizës së dialogut që s’ka me u kërku njohja, jo sot po as në të ardhmen, nga Serbia’ dhe e dyta zbatimi i Asociacionit. Çështjet e tjera janë periferike dhe të parëndësishme. Prandaj nuk është debat, ose nuk do të duhej të ishte debat më në shoqërinë e Kosovës, a e pranon Kurti, po a duhet Kosova ta pranojë. A ka zgjidhje tjetër për Kosovën dhe a kemi kohë për me bë ndryshime të tilla? Ne besojmë se Kosova nuk duhet me pranu, ne besojmë se ka mundësi të tjera”, ka thënë për Ekonomia Online, kryetari i Partisë Socialdemokrate, Dardan Molliqaj.
