Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari i Përgjithshëm i Lëvizjes Vetëvendosje, Dardan Molliqaj, veprimet e virulente të Policisë dhe Prokurorisë së Kosovës kundër aktivistëve të Lëvizjes Vetëvendosjes, të cilët arrestuan gjashtë aktivistë të saj, në mesin e tyre edhe zëdhënësin, Frashër Krasniqi, i konsideron si veprime dhe arrestime të montuara politike, njëjtë si në kohën e UDB-së. Ai thotë se ndihmë të madhe në këto veprime, po japin edhe ata që i shërbejnë regjimit aktual, që udhëheq Kosovën. Dardan Molliqaj, akuzoi me emra ata që zbatojnë urdhrat e pushtetit aktual, totalitar. Ai përkujtoi se Shpend Maxhuni, drejtor i Policisë së Kosovës, është djali i Enver Maxhunit që ka qenë njëri nga udbashët kryesorë në Kosovë, në kohën e regjimit okupator jugosllav. Molliqaj shtoi se krejt kësaj po i kontribuon edhe RTK-ja dhe drejtuesit e saj.
