leoni

MTI dhe IFC marrëveshje bashkëpunimi për mbështetje dhe promovim të Kosovës si destinacion unik për investime

20/11/2018 Institucionet

Ministri i Tregtisë dhe Industrisë, Endrit Shala, ka nënshkruar marrëveshje bashkëpunimi me Korporatën Financiare Ndërkombëtare – IFC, pjesë e Grupit të Bankës Botërore që u përfaqësua nga Thomas Lubeck, Drejtori Rajonal për Evropën Juglindore (IFC) dhe Riccardo Serri, Drejtori i Seksionit Ekonomik dhe Politik pranë Zyrës së Bashkimit Evropian në Kosovë.  Ministri Shala theksoi se Ministria e Tregtisë dhe Industrisë e vlerëson lart punën dhe partneritetin e deritashëm me IFC-në, pjesë e Grupit të Bankës Botërore. “Dëshiroj të konfirmoj edhe një herë interesimin dhe gatishmërinë tonë që ky bashkëpunim të vazhdojë edhe në të ardhmen. Me këtë rast e falënderoj edhe Zyrën e Bashkimit Evropian në Kosovë, si njërin ndër donatorët më aktiv në Kosovë dhe njërin nga partnerët tanë më të rëndësishëm në rrugëtimin e Kosovës në integrimet rajonale dhe evropiane”, tha ministri Shala. Shala tha se  “Projekti për Hartimin e Politikave për Promovimin e Investimeve në Ballkanin Perëndimor” është një projekt rajonal që mbulon vendet e Ballkanit Perëndimor dhe ka për qëllim të asistojë Qeverinë e Kosovës në përpjekjet e saj për përmirësimin e infrastrukturës rregullatore për përmirësimin e mëtejmë të klimës së investimeve si dhe harmonizimin e politikave rajonale të investimeve me standardet evropiane gjë që do të ndihmojë vendet e këtij rajoni duke përfshirë edhe Kosovën të avancojnë më tutje në procesin e integrimeve në Bashkimin Evropian. “Ne gjatë takimeve tona të përditshme me investitorët e huaj dhe vendorë, po e shohim se po rritet numri i investitorëve të interesuar për të investuar në Kosovë dhe MTI me ndihmën e këtij projekti të ri po synon që të përmirësojë infrastrukturën e saj ligjore dhe rregullatore për të bërë Kosovën vend atraktiv për investitorët e huaj. Po ashtu, ne synojmë që të përmirësojmë klimën e investimeve për bizneset, t’i harmonizojmë politikat tona të investimeve me standardet evropiane dhe t’u shërbejmë investitorëve në mënyrë më efikase”, tha ministri Shala. Në kuadër të këtij projekti do të përfshihen këto aktivitete: zhvillimi dhe vendosja e një Agjende Rajonale për Reforma lidhur me politikat e promovimit të investimeve të huaja, të bëhet formalizimi/zyrtarizimi i kësaj Agjende Rajonale për Reforma nëpërmjet instrumenteve të duhura zbatuese; të bëhet implementimi dhe monitorimi i reformave lidhur me investimet e huaja në vendet e Ballkanit Perëndimor (WB6) sipas Agjendës Rajonale për Reforma lidhur me investimet e huaja;  promovimi i Kosovës dhe vendeve të Ballkanit Perëndimor (WB6) si destinacion unik për investime.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara