leoni

MTI mbështet rritjen e konkurrueshmërisë në ekonominë kosovare dhe eksportin e prodhimeve vendore

16/10/2018 Institucionet

Ministria e Tregtisë dhe Industrisë përmes Agjencisë për Investime dhe Përkrahjen e Ndërmarrjeve në Kosovë (KIESA), organizoi sot Konferencën informuese për eksport. Në këtë ngjarje, pos përfaqësuesve të MTI/KIESA-s, morën pjesë edhe përfaqësues të shoqatave dhe bizneseve vendore- prodhuese nga sektorë  të ndryshëm. Durim Limaj, këshilltar i lartë politik dhe shef i kabinetit të ministrit Endrit Shala, iu drejtua të pranishmëve me një fjalë hyrëse duke i informuar me prioritetet dhe përkrahjen e MTI-së. “MTI synon të rrisë konkurrueshmërinë e ekonomisë kosovare duke e bërë atë më tërheqëse për investitorët e huaj, por njëherësh mbështet zhvillimin e ndërmarrjeve të vogla dhe të mesme dhe eksportet kosovare përmes aktiviteteve promovuese jashtë vendit” tha  këshilltari Limaj. Me këtë rast, Limaj foli edhe rreth aktiviteteve promovuese që ka realizuar MTI, si dhe i ftoi të pranishmit që të japin idetë dhe sugjerimet e tyre rreth aktiviteteve që planifikohen të realizohen për vitin në vijim. Ndër tjera, z.Limaj kërkoi nga prodhuesit që të fokusohen në kualitetin e prodhimeve të tyre për të qenë sa më të pranishëm në tregjet vendore dhe ndërkombëtare. Ndërsa, Arbër Muhaxheri, drejtor i Drejtoratit për Promovimin e Sektorit Privat në KIESA, prezantoi shërbimet e agjencisë në funksion të promovimit dhe zhvillimit ekonomik. Edhe drejtoresha e Departamentit të Tregtisë, Sytrime Dervisholli, i njoftoi të pranishmit rreth marrëveshjeve të tregtisë së lirë, në fokus të veçantë për ato që ndërlidhen me MSA-n. Gjatë konferencës u zhvilluan diskutime rreth rezultateve të panaireve  të realizuara nga MTI/KIESA, si dhe rreth koordinimit të aktiviteteve për të ardhmen.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara