Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një shtetas i Serbisë nga qyteti i Çaçakut, që është i dyshuar për një vrasje që ka ndodhur më 24 gusht në Serbi, është arrestuar nga pjesëtarët e MUP-it serb disa ditë më parë, në territorin e Kosovës, afër Leposaviqit, bëjnë të ditur burime të KosovaPress-it. Në këtë aksion të arrestimit, përveç pjesëtarëve të MUP-it të Serbisë kanë marrë pjesë edhe disa policë serbë të veriut të Kosovës. “Tre persona të dyshuar për vrasje në Serbi, Rogliq, Nenad Kalajxhiq dhe Vlladimir Tripkoviq, me automjetin Golf V ngjyrë hiri dhe me targa CA 058 – CE, duke ikur nga Serbia, kanë hyrë të shtunën mbrëma në territorin e Kosovës. Ata janë ndjekur nga pjesëtarët e MUP-it serb (në rroba civile), të cilët në bashkëpunim me krerët e Policisë së Kosovës në veri, kanë kapur njërin nga të dyshuarit, ndërsa, dy të dyshuarit tjerë kanë arritur të ikin. Në këtë aksion, nga Policia e Kosovës kanë marrë pjesë Zhelko Bojiq, shef i operativës për rajonin e veriut; Millan Ristoviq, shef i njësisë së hetimeve; si dhe Bojan Markoviq, pjesëtar i njësisë së hetimeve në veri. Këta të fundit nuk i kanë informuar fare strukturat udhëheqëse të Policisë në Prishtinë – për aksionin dhe për dorëzimin e të dyshuarit organeve të Serbisë”.
