Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pavarësisht se kryekuvendari Veseli, dhe kryeministri Mustafa, kanë mohuar se Lista Serbe u ka vënë kushte për votimin e demarkacionit, ndryshe e komenton këtë njoftim Sekretari i përgjithshëm i Partisë Demokratike të Kosovës, Basri Musmurati. Ai ka bërë të ditur se Lista Srpska në fakt ka vënë kushte për ta votuar demarkacionin. “Kësaj here dështoi votimi në Kuvend, për shkakun që, sipas të dhënave që kam, Lista Serbe ka bërë disa kërkesa tjera që s’i ka pasur përpara për të marrë pjesë në seancë”, ka thënë Musmurati për transmetuesin publik. “Krejt ato kushte që i ka qitur Lista Serbe, disa më duket janë publikuar, janë kushte që megjithatë nuk mund t’i qesë, sepse ne nuk mund ta shkelim Kushtetutën tonë”, është shprehur Musmurati për RTK. Në partinë tjetër të koalicionit qeverisës, Lidhjen Demokratike të Kosovës, nuk e pranojnë se ka kushte të vëna nga Lista Serbe. Por në anën tjetër ritheksojnë se nuk do të pranohet asnjë kusht nga askush në këmbim të votës për demarkacionin, ka saktësuar, Basri Musmurati.
