Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Këshillit Kombëtar Shqiptar, Ragmi Mustafa ka reaguar pas grafiteve që janë bërë në shkollën fillore “Naim Frashëri” në Bujanoc, ku është shkruar “Kosova është Serbi”. Mustafa në reagimin e tij ka shkruar se këto grafite shqiptarofobe janë produkt i sistemit aktual në Serbi dhe tregues të klimës dominuese kundër shqiptarëve në veçanti. Më tej, ai ka shkruar se do të ishte reduktim të trajtohen këto grafite si shprehje individuale e urrejtjes. Këshilli Kombëtar Shqiptar ka ftuar organet përgjegjëse në Bujanoc që ta zbatojnë ligjin kundër përhapësve të gjuhës së urrejtjes. “Ndryshe nuk mund të presim reagime të institucioneve shtetërore kur edhe i propozuari për ministër të brendshëm z. Aleksandër Vulin nga mandatarja për postin e Kryeministres së Qeverisë së re të Serbisë, znj. Ana Bërnabiq, i cili krenohet me fyerjet publike ndaj pakicat kombëtare dhe që ushqen vazhdimisht diskurs ksenofob e shqiptarofob”.
