Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizuar nga shoqata “Çamëria”, në Prishtinë mbajt marsh për bashkimin e Preshevës, Medvegjës dhe Bujanocit me Kosovën. Marshi filloj nga Biblioteka Kombëtare, në krye me një flamur me mbishkrimin “Çamëria” dhe vazhdoi deri te sheshi “Skënderbeu”, ku organizatorët mbajtën fjalime. Kryetari i shoqatës “Çamëria”, në Kosovë, Nexhmi Muçiqi, tha se sot kanë dalë për të treguar se populli shqiptar do bashkimin dhe shtoi se politikanët shqiptar nuk guxojnë të vulosin copëtimin e trojeve shqiptare. Kryetari i shoqatës patriotike “Çamëria” në Shqipëri, Driton Sejko tha se sot kanë ardhur për t’i përkrahur banorët e Kosovës Lindore për t’u bashkuar me pjesën tjetër të atdheut-Kosovës. Edhe përfaqësuesi i popullsisë shqiptare të mbetur ende nën Serbi, Ragmi Mustafa theksoi se për banorët e Kosovës Lindore sot është një ditë madhështore dhe theksoi se ka ardhur momenti që edhe Lugina e Preshevës të quhet Kosovë. Qytetarët marshuan me pankarta që përcollën mesazhe se Shqipëria, Kosova, Ilirida, Çamëria, Sanxhaku, Mërgata e Malësia janë me Kosovën Lindore.
