Në një intervistë për Radion-Evropa e Lirë, kryeministri Isa Mustafa është shprehur se beson se nuk do të paraqiten komplikime në Kuvend sa i përket ratifikimit të Marrëveshjes me Malin e zi për demarkacion, sepse, sipas tij vendi do ta rrezikonte liberalizimin e vizave, por edhe partneritetin me Bashkimin Evropian dhe Shtetet e Bashkuara të Amerikës”. Ai fton liderët opozitarë që nëse kanë dokumentacion që e dëshmon se Kosova po humb territor, ta paraqesin atë. Nuk kemi asnjë kontest shtetëror me Malin e Zi, as kontest kufitar. Çështjet janë më tepër individuale. Mendoj se ratifikimin duhet ta bëjmë para se Parlamenti Evropian dhe Këshilli i Bashkimit Evropian të votojë për liberalizimin e vizave për Kosovën, ka thënë mes tjerash kryeministri Mustafa.
![Isa Mustafa](https://www.radiokosovaelire.com/wp-content/uploads/Isa-Mustafa-660x330.jpg)