Mustafa priti në takim drejtoreshën e BE-së për Ballkanin, Angelina Eichhorst

15/01/2016 Lajmet

Kryeministri i Kosovës, Isa
Mustafa, priti sot në takim drejtoreshën Ballkanin Perëndimor dhe Turqinë në
BE, Angelina Eichhorst. Siç bëhet e ditur në kumtesën e Zyrës së Kryeministrit,
Mustafa foli mbi përparimin e gjithanshëm që është arritur në Kosovë, me theks
të posaçëm në përmbushjen e kushteve dhe rekomandimeve për liberalizimin e
vizave. Gjatë këtij takimi, kryeministri Mustafa foli edhe për synimet e
Qeverisë për vitin 2016, duke veçuar proceset integruese evropiane, zhvillimin
ekonomik dhe forcimin e shtetit ligjor. Ndërkaq, drejtoresha për Ballkanin Perëndimor,
Angelina Eichhorst, shprehu përkrahjen e Bashkimit Evropian për proceset në
Kosovë. Në këtë takim, të pranishëm ishin edhe zëvendëskryeministri dhe
ministri i Punëve të Jashtme, Hashim Thaçi, ministri për Integrim, Bekim Çollaku
dhe ministrja për Dialog, Edita Tahiri.