Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Myftiu i Kosovës, Naim Tërnava ka uruar besimtarët islamë për festën e Kurban-Bajramit. Në adresimin e tij, Tërnava u shpreh se i bashkëngjitet lutjeve e ibadeteve të besimtarëve myslimanë që janë duke e kryer obligimin e haxhit. Ai tha se pas dy vjetëve, për shkak të pandemisë COVID-19, edhe pse jo në kapacitet të plotë, këtë vit besimtarëve myslimanë iu mundësua udhëtimi drejt vendeve arabe për të kryer haxhin. Myftiu tha se mesazhet e festës së Kurban-Bajramit janë devotshmëria, barazia, sakrifica, flijimi e solidariteti. Më lejoni që në këtë ditë të madhe, në ditën e Arafatit, në prag të festës së Kurban-Bajramit, t’u drejtohem me urimet e përgëzimet më të mira për shëndet, harmoni e mbarësi, me shpresën dhe bindjen e fortë se në këtë festë të Kurban-Bajramit, do të përfitojmë nga begatitë dhe mëshira e Krijuesit të Gjithësisë. Duke ju uruar për festën e madhe të Kurban-Bajramit, lus Zotin për shëndet, mbarësi, begati, dashuri e harmoni në familjet tuaja, thuhet mes tjerash në urimin e Myftiut të Kosovës, Naim Tërnava drejtuar besimtarëve islamë për festën e Kurban-Bajramit.
