Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati i Popullit, Naim Qelaj, ka shprehur shqetësimin e tij për arrestimet e fundit nga Gjykata Speciale dhe për trajtimin e të akuzuarve dhe ekipeve mbrojtëse në Hagë. Katër persona, përfshirë ish-ministrin e Drejtësisë Hajredin Kuçi dhe ish-komandantin e UÇK-së Isni Kilaj, u arrestuan më 5 dhjetor, çka Avokati i Popullit e konsideron si një situatë alarmante, duke marrë parasysh peshën publike të tyre në Kosovë. Një shqetësim tjetër i madh, sipas tij, është raporti midis Prokurorisë dhe ekipeve mbrojtëse në rastin Thaçi dhe të tjerët, ku mbrojtja ka ngritur akuza për anshmëri nga ana e gjyqtarëve. Në një letër prej 12-faqësh, avokatët e të akuzuarve kanë shprehur humbjen e besimit në paanshmërinë e gjyqtarëve dhe barazinë e palëve në procesin penal. Avokati i Popullit ka bërë thirrje për vëmendje nga institucionet kosovare të drejtësisë dhe ka njoftuar se po planifikon monitorimin e disa seancave në Hagë në fillim të vitit të ardhshëm.
