Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ka përfunduar Epopeja e Ushtrisë Çlirimtare të Kosovës, me ndezjen e flakadanëve në Kompleksin Përkujtimor “Adem Jashari” në Prekaz dhe me programin artistik që është mbajtur në Sheshin “Adem Jashari” në qytetin e Skenderajt, ku kanë marrë pjesë kryetari i Komunës, Fadil Nura, nënkryetari Sami Lushtaku, bacë Rifat Jashari, ministra të Qeverisë, ish-luftëtarë të UÇK-së, drejtorët komunal, anëtarë të Kuvendit Komunal, mysafirë të shumtë dhe një numër i madh i qytetarëve pjesëmarrës në këtë ngjarje kulturore. Në kuadër të programit artistik kanë marrë pjesë këngëtarë të mirënjohur të estradës shqiptare, si dhe grupe artitsike nga Kosova, Shqipëria e Maqedonia e Veriut. Nata e Zjarreve në Prekaz ka shënuar përfundimin e Epopesë së Ushtrisë Çlirimtare të Kosovës, në nderim të sakrificës së Komandantit Legjendar të UÇK-së, Adem Jashari dhe Familjes Jashari, në 25 vjetorin e luftës së 5, 6 dhe 7 marsit 1998. Lavdi për jetë e mot Adem Jasharit!
Lavdi e përjetshme dëshmorëve të kombit!
