Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në fshatin Sfaraçak të komunës së Vushtrrisë me nderime ushtarake dhe me prani të familjes, shokëve, kolegëve, bashkëluftëtarëve si dhe shumë qytetarëve nga Vushtria, Mitrovica dhe e gjithë Kosova, u varros nënoficeri i Forcës së Sigurisë së Kosovës, rreshter Ahmet Menxhiqi. Duke përkujtuar kontributin e tij në luftën çlirimtare, Bajram Beqiri në emër të shoqatave të dala nga lufta e Ushtrisë Çlirimtare të Kosovës dega në Vushtri, theksoi se Ahmet Menxhiqit iu bashkua luftës për çlirim duke qenë pjesëtarë i dalluare i UÇK-së, në Brigadën 141 të Zonës Operative të Shalës. Edhe pse kishte moshë të re ai u shqua për disiplinën, kulturën dhe shpirtin luftarak duke marrë pjesë në shumë beteja deri në çlirimin e vendit. Në fund, u bën homazhe dhe u vunë kurora lulesh nga KOM i FSK-së, oficer e nënoficer ,shoqatat e ndalura nga lufta e UÇK-së , bashkëluftëtar e familjar të shumtë.
