Ndërroi jetë veterani dhe eprori i ish UÇK-së Shpejtim Hazrolli

21/07/2020 Institucionet

Ka ndërruar jetë veterani dhe eprori i ish UÇK-së, Shpejtim Hazrolli (1968) nga fshati Banjë i Komunës së Malishevë. Eprori Hazrolli, ishte njëri prej luftëtarë të parë i cili ishte rreshtuar në radhët e Ushtrisë Çlirimtare të Kosovës dhe gjatë tërë luftës çlirimtare kishte treguar heroizëm të pashoq, si dhe ishte një organizator i jashtëzakonshëm, gjë për të cilën edhe ju dha detyra e udhëheqjes në njësi të caktuara brenda organizmit ushtarak të UÇK-së. Veterani i luftës, Shpejtim Hazrolli, së bashku me tërë familjen dhe rrethin e tij, ishin pjesë e luftës çlirimtare, duke dhënë një kontribut të jashtëzakonshëm në luftë. Familjen, miqtë dhe bashkëluftëtarët e komandant Shpejtim Hazrollit, i kanë ngushëlluar, Kryetari i Komunës së Malishevës, Ragip Begaj, kryetari i degës së OVL të UÇK-së në Malishevë, Metush Kryeziu, nëndega e OVL të UÇK-së, në Banjë, si dhe shumë bashkëluftëtar e miq të Shpejtim Hazrollit. “Lajmi për vdekjen e Shpejtimit, ishte një lajm i rëndë dhe i dhimbshëm që morën mbrëmë ne të gjithë, prandaj më lejoni që në emër të bashkëluftëtarëve dhe në emër të Komunës së Malishevës, të shprehi ngushëllime për familjen, për miqtë dhe bashkëluftëtarët e Shpejtimit. Kam pasur fatin dhe nderin e veçantë që të jem bashkëluftëtar me Shpejtimin, i cili ka qenë një luftëtar i jashtëzakonshëm, ka qenë një organizator i mirë në luftë, dhe ka dhënë një kontribut të madh në çlirimin e vendit”, ka thënë kryetari i Komunës së Malishevës, Ragip Begaj, në telegramin e ngushëllimit. “Shpejtimi gjatë tërë luftës, qëndroi ballë për ballë me armikun, ballë hapur gjithherë dhe doli fitimtar në luftë dhe shkoi faqebardhë prej kësaj bote, duke na lënë kujtime të paharruara”, tha Begaj. Varrimi i komandant Shpejtim Hazrollit bëhet sot në ora 14:00.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara