Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryekuvendari i Kosovës, Kadri Veseli ka marrë pjesë në ceremoninë përkujtimore në 17-vjetorin e rënies së komandantit të Brigadës 114, të Zonës Operative të Drenicës, Ilaz Kodra. “Sot u mblodhëm për të kujtuar 17 vjetorin e rënies së komandant Ilaz Kodra, i cili ishte një prej figurave më të ndritura të luftës sonë për liri. Falë sakrificës së Ilazit me shokë, atdheu ynë nuk kërcënohet më nga asnjë faktor i jashtëm dhe sfida më e madhe që kemi përpara është zhvillimi ekonomik dhe përmirësimi i standardit jetësor të qytetarëve tanë. Ua kemi borxh të rënëve për liri që sot të punojmë për zhvillim, siguri, sundim të ligjit. Vetëm kështu mund të qëndrojmë krenar para kujtimit të tyre, ka shkruar mes tjerash, Veseli. Komandanti, Ilaz Kodra me disa bashkëluftëtarë ka rënë dëshmor me 30 prill të vitit 1999, në përpjekje për ta shpëtuar popullatën e zhvendosur shqiptare nga masakrimi i ushtrisë dhe policisë serbe.
