leoni

Në Bibliotekën Kombëtare të Kosovës u shënua 110 vjetori i Kongresit të Manastirit

07/11/2018 Institucionet

Zëvendësministrja e Ministrisë së Kulturës, Rinisë dhe Sportit, Leonora Morina Bunjaku mori pjesë në shënimin e 110-Vjetorit të Kongresit të Manastirit. Me këtë rast zëvendësministrja Bunjaku tha se “pos rëndësisë kulturo-letrare e gjuhësore, kjo ngjarje projekton edhe përcaktimin properëndimor të shqiptarëve në rrafsh politik e strategjik. Kongresi i Alfabetit realizoi njërën nga aspiratat e mëdha të Rilindësve tanë. Ëndrra e Naimit, Samiut, Pashko Vasës e De Radës… që u bë realitet në nëntor 1908”. “Në këtë përvjetor ju mbetet profesionistëve të bëjnë bilancet e arritjeve apo edhe ngecjeve eventuale, e ne si bartës institucionesh të jemi krah tyre kur do që ata kanë nevojë. Sigurisht bashkë do ti kujtojmë e nderojmë baballarët e shkrimit shqip, iluministët më të mëdhenj që lindi Shqipëria”, tha zëvendësministrja Bunjaku. Më këtë rast u bë përurimi i ekspozitës nga Koleksionet e Bibliotekës Kombëtare të Kosovës, Abetarja shqipe (1906-2018) – ilustrime dhe tipografi ku të pranishëm ishin pjesë studiues, profesorë, albanolog, profesionist të kulturës nën udhëheqjen e drejtorit të Bibliotekës Kombëtare të Kosovës Fazli Gajraku, drejtoresha e Bibliotekës Kombëtare të Shqipërisë, Persida Asllani dhe Kryetari i Fondacionit Arsimor, Kulturor dhe Humanitar-ALSAR, Mehdi Gurra.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara