Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vaksinimi në Bullgari po bëhet me hezitim madje edhe të vetë personelit shëndetësor. Një mjek specialit ka deklaruar për Radion-Evropa e Lirë se unë kurrë nuk iu kërkoj pacientëve të mi t’i bëjnë ato vaksina. Ka njerëz që nuk e dinë se çfarë është aspirina dhe kanë mbijetuar. Marrëveshja e vetme tani është të tremben njerëzit, përmes mediave dhe burimeve të tjera të informacionit”. Ky mjek i përgjithshëm që ka folur në kushte anonimiteti, punon me ekipet kombëtare bullgare dhe atletët olimpikë në disa sporte, përfshirë: futbollin, mundjen dhe karatenë. Ai i ka thënë Shërbimit bullgar të Radios Evropa e Lirë se nuk është vaksinuar kundër koronavirusit, sepse “nuk ka asnjë provë” që “një virus i tillë ekziston”. Ai është vetëm njëri prej shumë punonjësve shëndetësorë bullgarë që refuzojnë të vaksinohen. Sipas Qendrës Evropiane për Parandalimin dhe Kontrollin e Sëmundjeve, 25.5 për qind e stafit shëndetësor të Bullgarisë është vaksinuar. Kjo është shkalla më e ulët midis vendeve anëtare të BE-së. Sipas Ministrisë bullgare të Shëndetësisë, rreth gjysma e një kategorie më të ngushtë të “personelit mjekësor” është vaksinuar plotësisht.
