Në komunën e Deçanit është mbajtur takimi i Këshillit Organizativ së bashku me Shoqatat e dala nga lufta e Ushtrisë Çlirimtare të Kosovës, ku është përcaktuar agjenda e aktiviteteve në nderim e përkujtim të 24 Marsit të vitit 1998, të Lavdisë e Krenarisë Kombëtare. Në përkujtim të luftëtarëve të rënë për liri dhe në përkujtim të “Epopesë së Dukagjinit”, betejës që bëri kthesën e historisë sonë nga familja Haradinaj. Dhe njëkohësisht 24 Marsit të vitit 1999 të ndërhyrjes së forcave të NATO-s në Kosovë. Këshilli Organizativ ka miratuar agjendën e aktiviteteve duke filluar nga data 20 Mars e për ta përmbyllur me ceremoninë kryesore me datë 24 Mars në Gllogjan të Deçanit.