Në Deçan organizohet Punëtoria mbi Planin e Veprimit kundër Dhunës në Familje

22/02/2025 Institucionet

Në kuadër të projektit “Së bashku mundemi: Shpresë dhe Ndryshim”, Zyra për Barazi Gjinore dhe Rrjeti Qeliza organizuan një punëtori produktive me përfaqësues të anëtarëve të Mekanizmit Kundër Dhunës në Familje dhe akterë të tjerë relevantë në Komunën e Deçanit. Punëtoria u organizua edhe në koordinim me Menaxherin e Burimeve Njerëzore, z. Enver Cacaj.

Nën udhëheqjen e trajnerit Arbnor Pula, pjesëmarrësit diskutuan mbi funksionimin e Mekanizmit Koordinues Komunal, rishikuan Planin e Veprimit për vitin 2025 dhe identifikuan sfidat që duhen adresuar për të forcuar përpjekjet kundër dhunës në familje. Përmes një bashkëbisedimi të hapur dhe konstruktiv, u dhanë rekomandime të rëndësishme për përmirësimin e ndërhyrjeve në të ardhmen.

Ky aktivitet është pjesë e një nën-granti të Programit EU-CERV, mbështetur nga EWI – Ecumenical Women’s Initiative dhe realizuar nga Rrjeti Qeliza.

Falënderojmë z. Faik Jahmurataj, komandantin e Stacionit të Policisë në Deçan dhe të gjithë pjesëmarrësit e tjerë për angazhimin dhe kontributin e tyre për të ndërtuar një të ardhme më të sigurt dhe më të drejtë për të gjithë.

Kontrolloni gjithashtu

Komuna e Rahovecit shpall thirrjet publike për subvencionim në Kulturë, Rini dhe Sport

Drejtoria e Kulturës, Rinisë dhe Sportit e Komunës së rahovecit në bazë të rregullores për …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara