Në Deçan u mbajt takimi i parë për themelimin e Këshillit Publik-Privat

01/11/2024 Institucionet

U mbajt takimi i parë për themelimin e Këshillit Publik-Privat, një mekanizëm jo-formal dhe këshilldhënës që synon të forcojë bashkëpunimin mes sektorit publik dhe privat në zhvillimin e projekteve lokale.

Themelimi i Këshillit Publik-Privat mbështetet nga Aktiviteti i USAID-it – Qeverisja e Pronës, ku mori pjesë edhe drejtoresha e këtij aktiviteti, znj. Jennifer Ober, e cila tregoi rëndësinë e këtyre ndërmarrjeve në zhvillimin ekonomik lokal dhe shprehu gatishmërinë për të mbështetur përpjekjet për përmirësimin e qeverisjes së pronës dhe klimës investuese në Komunën e Deçanit.

Me sektorin privat u diskutua mbi sfidat dhe çështjet e ndërlidhura me menaxhimin, dhënien dhe këmbimin e pronës komunale, partneritetin publiko-privat dhe mbështetjen e bizneseve me pronare gra, thuhet ndër të tjera në postimin në facebook të Kryetarit të Komunës së Deçanit, z. Bashkim Ramosaj.

Kontrolloni gjithashtu

Storie suksesi nga Komuna e Rahovecit

Komuna e Rahovecit është shembull i mirë i menaxhimit të mbeturinave. Hapësirat që dikur funksiononin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara