Në Ditën Botërore të Lirisë së Shtypit, në Viti u përkujtua gazetari Kerem Lewton

03/05/2021 Institucionet

Në Ditën Botërore të Lirisë së Shtypit, gazetarë, përfaqësues nga shoqëria civile, dhe udhëheqës të komunës së Vitisë, kanë përkujtuar gazetarin e vrarë anglez Kerem Lewton. Me këtë rast, në kompleksin përkujtimore të gazetarit Lewton që është ndërtuar në këtë qytet në nderim të kontributit të tij, të pranishmit vendosën buçet lulesh dhe nderuan jetën dhe veprën e gazetarit anglez i cili u flijua për lirinë e shtypit. Në fjalën e tij, Shyqeri Halabaku, kryetari i Klubit të Gazetarëve “Kerim Lewton” në Viti, ka vlerësuar lartë veprën e gazetarit anglez dhe punën profesionale të tij, me qëllim të informimit të drejt rreth ngjarjeve nëpër botë, respektivisht ngjarjeve të luftës në Maqedoni kur edhe e gjeti vdekja shumë vite më parë. “Duhet punuar në drejtim të krijimit të një shoqërie ku respektohet puna e gazetarit dhe se liria e medieve është njëra ndër vlerat me të rëndësishme të demokracisë, vepra e gazetarit të njohur Lewton na frymëzon të gjithëve për një shoqëri të lirë dhe të hapur “, u shpreh Halabaku. Në Ditën Botërore të Lirisë së Shtypit, konsideratë shprehu edhe kryetari Sokol Haliti, i cili i ftoi mediat për raportim të drejtë e të paanshëm, dhe në mbrojtje të demokracisë. Kerem Lewton u vra në fshatin Pustenik më 29 mars të viti 2001, gjatë raportimit mbi konfliktin e luftës në Maqedoni.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara