Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në ditën e inaugurimit të Presidentit Donald Trump, kryetari i AAK-së, Ramush Haradinaj, ka zhvilluar takime të rëndësishme me kongresmenë amerikanë, si dhe përfaqësues të Mërgatës Shqiptare në Shtetet e Bashkuara të Amerikës. Gjatë qëndrimit të tij në Uashington, Haradinaj ka biseduar me kongresmenë të njohur si Gary Palmer nga Alabama, Andy Harris nga Maryland dhe Brad Knott nga Karolina e Veriut. Kjo mundësi takimi ka shërbyer për të theksuar rëndësinë e avancimit të marrëdhënieve të Kosovës me Shtetet e Bashkuara, si dhe koordinimin dhe anëtarësimin në NATO si çështje jetike për sigurinë, demokracinë dhe të ardhmen e Kosovës. Haradinaj ka shprehur angazhimin për forcimin e lidhjeve mes Kosovës dhe Amerikës, duke e vlerësuar këtë moment si të rëndësishëm për zhvillimin e vendit.
