leoni

Në ditën ndërkombëtare të gruas 8 Marsin, u nderuan gratë e suksesshme në Malishevë

08/03/2018 Institucionet

Organizuar nga Zyra për Barazi Gjinore në Komunën e Malishevës dhe Grupi Joformal i Grave asambliste në KK të Malishevës, përmes një organizimi me rastin e 8 Marsit, Ditës Ndërkombëtare të Gruas, kanë ndarë mirënjohje për familjet e dëshmorëve, si dhe për gratë më të suksesshme ndër vite dhe gjatë vitit 2017, në fushat e ndryshme të jetës. Në këtë takim, mori pjesë edhe Kryetari i Komunës së Malishevës, Ragip Begaj i shoqëruar nga shefja e kabinetit të kryetarit, Blertë Krasniqi dhe Drejtoresha e Drejtorisë për Kulturë, Rini dhe Sport, Besartë Ramaj- Kryeziu e nga disa drejtorë të qeverisë komunale dhe ish deputetja e Kuvendit të Kosovës, Shukrije Bytyçi. Kryetari Begaj në fjalën e rastit drejtuar grave maleshivase ndër të tjera theksoi.“Malisheva po e kultivon frymën e barazisë gjinore”, tha në fjalën e tij kryetari Begaj, i cili më pas vlerësoi lartë kontributin e nënave dhe femrave në luftën e fundit të Ushtrisë Çlirimtare të Kosovës si dhe në të gjitha zhvillimet e tjera, përfshirë edhe kontributin në zhvillimin e shoqërisë si: Zhvillimin ekonomik, arsimor, shëndetësor, pjesëmarrjen në jetën politike dhe vendimmarrje institucionale. “Femra shqiptare ka merita të mëdha në historinë e popullit shqiptar”, tha në fund Begaj dhe i uroi të gjitha nënat dhe gratë e Komunës së Malishevës. Ndërsa ish deputetja e Kuvendit të Kosovës, Shukrije Bytyçi në mes tjerash tha. 8 Marsin, si një ditë të rëndësishme ndërkombëtare, ditë e cila jep mundësi që të bashkohen gratë, pa dallime. “Në lirinë që sot ne e gëzojmë, femrat shqiptare kanë dhënë kontribut të jashtëzakonshëm, por kjo liri nuk ka kuptim dhe nuk është liri, pa të drejta të barabarta dhe pa pjesëmarrje më të fuqishme në vendimmarrje të gruas si në nivel qendrorë dhe atë lokale”. Në fund u nderuan me mirënjohje për disa kategori : Emancipim dhe arsimim, Hanife Gashi, familje të dëshmorëve, Hazir Kryeziu, kontribut të dhënë gjatë luftës çlirimtare, Nergjivane Krasniqi për biznese të suksesshme. Zahide Telaku dhe për posmortum, Shefkije Morina.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara